«Эйр Астана» авиакомпаниясининг Олмаота—Актау йўналишида рейсни амалга ошираётган Airbus A321 самолёти қуш билан тўқнашув туфайли парвоз қилган аэропортига қайтишга мажбур бўлди. Бу ҳақда компаниянинг корпоратив коммуникациялар департаменти маълум қилди, дея хабар беради «РИА Новости».
«Самолёт Олмаотадан 30 июль, якшанба куни соат 22:25 да учганди. Парвоз хавфсизлигини ҳисобга олиб, экипаж ортга қайтишга қарор қилди. Соат 23:25 да ҳаво кемаси Олмаота аэропортига эсон-омон қўнди», — дейилади авиакомпания хабарида.
Қўнишдан сўнг авиакомпания муҳандислари ҳаво кемасини текширувдан ўтказди ва у соз ҳолатда эканлигини аниқлади. Шундан сўнг самолёт Актауга 31 июль, душанба куни соат 00:55 да учиб кетди.
Изоҳ (0)