Россия ва АҚШ Сурия бўйича ҳамкорликни давом эттиради. Бу ҳақда Россиянинг НАТОдаги доимий вакили Александр Грушко маълум қилди, дея хабар беради «Интерфакс».
«Россия билан муносабатларни йўлга қўймай Ғарбий Европа ва Россия учун умумий глобал муаммоларни бартараф этиб бўлмаслиги кўпчиликка аён. Бунинг аломатларини ҳатто АҚШ ҳам ҳозирги ҳолатида биз билан Сурия бўйича ҳамкорлик қилаётганида кўришимиз мумкин», — таъкидлади Грушко.
Икки давлат ўртасидаги муносабатлар ўтган ой охирида мураккаб тус олди. Конгресс томонидан қабул қилинган санкцияларга жавобан Россия АҚШ дан 1 сентябргача мамлакатда ишловчи дипломатлар ва техник ходимлар сонини 455 кишигача камайтиришни талаб қилди.
Изоҳ (0)