Унчалик катта бўлмаган нуқсонлари учун кўзойнакларнинг янгисини сотиб олиш ёки тузатишга бериш шарт эмас — буни ўзингиз мустақил равишда тузатсангиз ҳам бўлади.
Бунинг учун сизга ҳеч бир махсус восита керак бўлмайди. Ҳар доим қўл остингизда бўладиганлари ҳам етарли бўлади. Бироз ҳаракат қилиш орқали енгил бузилган ва ҳатто чуқур қирилган жойларни ҳам тузатиш мумкин.
Истеъмол содаси
Кўзойнаклардаги тирналган жойларни истеъмол содаси ёрдамида йўқотиш мумкин. Бунинг учун содани бирозгина сув билан аралаштириш ва аралашма билан кўзойнак ойнасини айланма ҳаракатлар билан артиш керак. Бундан кейин кўзойнакни сув билан яхшилаб ювиш лозим.Болалар шампуни
Кўзойнакнинг ойналарига болалар шампуни сурилса, тирналган жойлар йўқолади. Кейин кўзойнакни микрофибра ёки компьютер экрани учун махсус мато ёрдамида артиш керак.Спирт
Агар уйингизда тиббиёт спирти бор бўлса – ундан кўзойнакларингизни артиш учун фойдаланинг. Уни истеъмол содаси билан аралаштиришингиз ҳам мумкин. Кейин кўзойнакни сув билан ювинг ва микрофибрали латта билан артинг.Тиш пастаси
Оддий тиш пастаси – линзаларни полировка қилиш учун ажойиб восита ҳисобланади. Уни ойна устига пахта бўлаги ёрдамида айланма ҳаракатлар билан суринг, пастани эса совуқ сув билан ювинг. Агар чуқурроқ тирналган бўлса – бир неча марта такрорлашга тўғри келади.Махсус тўплам
Агар ҳамма айтиб ўтилган усуллар керакли натижаларни бермаса, махсус тўплам сотиб олиш мумкин. Одатда тўплам ичига кўзойнакларни тузатиш учун керак бўладиган ҳамма нарсалар киради. Булар эски кўзойнакларни тузатишга ва уни аввалги кўринишга қайтаришга ёрдам беради.Манба: «Хитрости жизни»
Изоҳ (0)