Ошхона идишларининг замонавий бозорида ҳали ҳам чиройли ва ишлатишга қулай бўлган эмал қопланган идишлар катта ўрин эгаллаб турибди. Эмалланган идишларнинг хизмат қилиш муддатини узайтириш ва дастлабки чиройини сақлаб қолишга уларни тўғри тозалаш ва эҳтиёткорлик билан ишлатиш тўғрисидаги маслаҳатлар ёрдам беради.
Эмаль қаватининг емирилиб кетмаслиги учун ҳароратнинг кескин ўзгаришига йўл қўймаслик лозим, масалан қизиб турган идиш ичига совуқ сув қуймаслик керак. Эмалланган юзаларни тозалаш учун ош содаси ёки «Экстра» майда ош тузидан фойдаланиш мумкин (йирик туздан фойдалансангиз эмал қавати емирилиши мумкин).
Идиш ичида овқат куйган ҳолларда ва тагида кетиши қийин бўлган қатлам ҳосил бўлган бўлса, туздан қуюқ эритма тайёрлаш ва идишни 8-12 соат ивитиб қўйиш мумкин. Кейин куйган идиш ичида тузли эритмани қайнатсангиз юмшаб қолган куйиндини тозалашингиз осон бўлади.
Вақт ўтиши билан эмаль қораяди, уни оқартирувчи восита ёрдамида аввалги ҳолатига қайтариш мумкин. Қорайган идиш ичига оқартирувчи воситани қуйинг ва 50-60 дақиқа давомида қайнатинг, кейин эса кўпроқ сув билан яхшилаб ювиб ташланг (совуқ сувни иссиқ идишга қуйиш мумкин эмаслигини эсингиздан чиқарманг).
Эмаль идишларнинг сарғайган юзасини сирка ёки олма-нок қайнатмаси ёрдамида тозалаш мумкин. Сарғайган идиш ичида нок ва олма пўчоқлари солинган сувни қайнатинг ва эмалланган идиш олдинги ҳолатига қайтганини кўрасиз.
Манба: «Хитрости жизни»
Изоҳ (0)