АҚШ Конгресси вакиллар палатаси спикери Пол Райан палата томонидан Россия, Эрон ва Шимолий Кореяга қарши санкциялар бўйича қонун лойиҳаси қабул қилинишини маъқуллади ва бу давлатларни «АҚШ энг хавфли душманлари» деб атади. Бу ҳақда «РИА Новости» хабар бермоқда.
«Миллий хавфсизлигимизга Эрон, Россия ва Шимолий Корея томонидан хатарни етарлича баҳоламаслик нотўғри бўларди. Бу давлатлар АҚШнинг ҳаракатларини чиппакка чиқариш ва глобал барқарорликни бузишга анчадан бери уриниб келмоқда. Конгресснинг вазифаси уларни масъулиятга чақиришдан иборат. Қонун лойиҳаси тарихдаги энг кенг кўламли санкциялар пакетларидан бири ҳисобланади. У америкаликлар хавфсизликда бўлиши учун энг хавфли душманларимизнинг танобини тортади», — деди Пол Райан.
Вакиллар палатаси қабул қилган Эрон, Россия ва Шимолий Кореяга қарши санкцияларни янада кучайтириш тўғрисидаги қонун лойиҳасини Сенат кўриб чиқиши лозим.
Изоҳ (0)