Синай ярим ороли шимолида, Ал-Ариш шаҳри яқинидаги назорат-ўтказиш пункти олдида юз берган портлаш оқибатида 7 киши ҳалок бўлди. Бу ҳақда Миср қуролли кучлари матбуот хизмати маълум қилди, дея хабар беради «Газета.ru».
Террорчилар назорат-ўтказиш пунктига жипда келгани ва машинани оломон орасида портлатмоқчи бўлгани билдирилмоқда. Бироқ Миср ҳукумат кучлари танки уларнинг йўлига тўғаноқ бўлди.
Шундан сўнг жангарилар ҳарбийлар билан отишмага киришди, сўнг танк яқинида автомобилни портлатиб юборди.
7 нафар тинч аҳоли вакили — уч эркак, икки аёл ва икки бола мазкур теракт қурбони бўлди. Портлаш оломон орасида амалга оширилганида қурбонлар сони бир неча карра кўп бўлиши мумкинлиги таъкидланмоқда.
Изоҳ (0)