Мисрга тил курсларида ўқиш учун кетган олти нафар қозоғистонлик талаба у ерда йўқолиб қолди, деб ёзади Kazakhstan Today.
Ахборотни Қозоғистон ташқи ишлар вазирлиги матбуот котиби тасқидлади.
Унинг сўзларига кўра, йўқолиб қолган талабалар Қоҳирада битта хонадонда яшаган. Уларнинг тўрт нафари йил бошидан буён тил курсларида ўқиган. Қолган иккиси Қоҳирага ўқиш учун 11 июлда келган. Етиб келгач, улар Қозоғистон элчихонасида рўйхатдан ўтган. Аммо 20 июлдан олти талабанинг ҳеч бири алоқага чиқмай қўйган.
Уларнинг қариндошлари саросимага тушиб, элчихонага мурожаат қилган. Қозоғистоннинг Қоҳирадаги элчихонаси талабаларнинг қаердалигини аниқлашга киришди. Миср ташқи ишлар вазирлигига қидирувда ёрдам беришни сўраб расмий мурожаат юборишди. Қозоғистонлик дипломатлар талабаларнинг қариндошлари билан доимий алоқада бўлиб турибди.
Изоҳ (0)