Наманган вилоятининг Косонсой тумани, «Тергачи» маҳалласида 6-сонли ички ишлар бўлинмаси очилди. Бу ҳақда «Дарё»га вилоят ИИБ матбуот хизмати маълум қилди.
Бўлинма тумандаги 13 маҳалла, 48 мингдан ортиқ фуқарога хизмат кўрсатади. Икки қаватли бинодан 8 та хизмат хонаси, мажлислар зали, навбатчилик қисми ўрин олган.
Вилоятнинг Учқўрғон тумани, «Қўғай» маҳалласида ҳам 8-сонли ички ишлар бўлинмаси фойдаланишга топширилди.
Ушбу бўлинма тумандаги 20 та маҳаллада яшовчи 47 мингдан ошиқ фуқарога хизмат кўрсатади.
Замонавий қулайликларга эга бўлган икки қаватли бинодан 12 та хизмат хонаси, мажлислар зали, навбатчилик қисми, вақтинчалик ушлаб туриш хоналари ўрин олди.
Яратилган шароитлар жиноят ва ҳуқуқбузарликларнинг олдини олиш, уларнинг профилактикасини барвақт амалга оширишга хизмат қилиши кўзда тутилган.
Бўлинмаларнинг очилиш маросимида Ўзбекистон бош прокурори Ихтиёр Абдуллаев ва ички ишлар вазири, генерал майор Абдусалом Азизов иштирок этди.
Улар Косонсой туманининг «Бешкетмон» ва «Қозоқовул» МФЙ профилактика катта инспектори Икромжон Исматуллаевнинг хизмат хонадонида ҳам бўлиб, яратилган шароитлар билан яқиндан танишди.
Изоҳ (0)