«Милан»нинг қайтиши. Монтелла шогирдлари «Бавария» дарвозасига жавобсиз 4 та гол урди
Чемпионлар халқаро кубогининг Хитой турнесида иштирок этаётган Мюнхеннинг «Бавария» клуби кетма-кет иккинчи ўйинда ҳам енгилди.
Бу сафар Карло Анчелотти шогирдлари трансфер ойнасининг энг фаол вакили ҳисобланган «Милан»га қарши саф тортди ва ўз дарвозасидан жавобсиз 4 та гол ўтказиб юборди.
Миланликлар 1-бўлимнинг ўзидаёқ ҳисобни йирик кўринишга олиб келганди. 2-бўлимда немисларнинг «уйғониши» кутилган бўлса-да, воқеалар ривожи бошқача тус олди ва Винченцо Монтелла бошчилик қилаётган «Милан» ҳисобни шармандали кўринишга олиб келди.
Бунга қадар «Бавария» Лондоннинг «Арсенал» клуби билан 1:1 ҳисобида дуранг ўйнаб, пенальтилар сериясида 2:3 ҳисобида имкониятни бой бериб қўйганди. «Милан» эса Чемпионлар халқаро кубогидаги илк ўйинида Дортмунднинг «Боруссия» клубидан енгилганди — 1:3.
Чемпионлар халқаро кубоги Шэньчжэнь, Хитой 22 июль, шанба
