Вашингтон Суриядаги иккинчи сулҳ устида ишламоқда. Бу ҳақда АҚШ президенти Дональд Трамп маълум қилди, дея хабар беради «Газета.ru».
«Биз Суриянинг ўта мураккаб қисмида ўт очишни тўхтатиш бўйича иккинчи келишув устида ишлаяпмиз. Агар буни уддалай олсак ва яна бир неча сулҳлар тузилса, Сурияда ҳеч ким ўқ узмайди. Биринчи ярашув 5 кундан бери давом этмоқда ва бу Суриядаги вазият учун жуда катта муддат. Шу тариқа ўнлаб кишиларнинг ҳаёти сақлаб қолинди», — деди Трамп Франция президенти Эммануэль Макрон билан биргаликдаги матбуот анжуманида.
АҚШ ва Россия Иордания билан ҳамкорликда G20 саммити доирасида Сурия жануби-ғарбида ўт очишни тўхтатиш тартибини келишиб олганди. Сулҳ 9 июль куни кучга кирди.
Изоҳ (0)