Перу судьяси пул ювиш ва жиноий ҳамжамиятни ташкил қилиш ҳақидаги иш доирасида мамлакат собиқ президенти Ольянта Умала ва унинг рафиқаси Надин Эредиани ҳибс олиш учун ордер берди, деб ёзади «ТАСС».
Судьянинг қароридан сўнг улар ҳукуматга таслим бўлган. Собиқ давлат раҳбари ҳукмни ижро этиш учун рафиқаси билан суд биносига кирган.
Умала ва Эредиа 18 ой давомида қамоқда ўтиради. Уларнинг иши бўйича ҳукм бу вақт ичида чиқарилмаса, ушбу муддат узайтирилиши мумкин.
Тергов маълумотларига кўра, собиқ президент Бразилиянинг Obebrecht қурилиш фирмасидан 2011 йилда сайловолди кампанияси учун 3 миллион доллар олган. Унинг адвокати маълум қилишича, эр-хотин 18 ойлик дастлабки қамоқ ҳақидаги суд қароридан норози бўлиб, даъво аризаси бермоқчи.
Изоҳ (0)