Шарқий Антарктидада Ларсен музлигининг бир парчаси синиб тушгани — оддий ҳодиса. Бўлак — катталиги, музлик эса — фаоллиги жиҳатидан рекорд даражада эмас. Бундай фикрни Россия гидрометеорология марказининг Арктика ва Антарктида илмий-тадқиқот институти Антарктида экспедицияси бошлиғи ўринбосари Вячеслав Мартьянов билдирди, деб ёзади «ТАСС».
«Оддий ҳодиса — музликнинг бир бўлаги синиб тушишини шов-шувга айлантирмоқчи бўлишганини кўриб, ҳамкасбларим билан роса кулишдик», — деди у.
Аввалроқ Суонси университети олимлари 12 июль, чоршанба куни Антарктидадан улкан айсберг синиб тушгани, у бир неча ўн йиллар «умр кечириши» мумкинлиги маълум қилган эди.
Олимлар фикрича, у Антарктидадаги барча шельфли музликларни бирлаштириб турган, энди эса улар қитъадан ажралиб чиқишни бошлаши мумкин.
Мартьянов аниқлик киритишича, шелфли музлик ерга таянмайди, балки сув устида қалқиб туради. Антарктикада қор кўп ёғади, у қалинлашади ва зичлашиб, музга айланади ва эртами, кечми шельфли музликнинг парчалари синиб тушиб, денгизга оқиб кетади.
«Ажралиб тушаётган бўлакнинг майдони 5 квадрат километрга яқин, Антарктидада синиб тушган энг катта бўлак эса 40 квадрат километрга етган ва у Гиннеснинг Рекордлар китобига киритилган», — деди у.
Унинг сўзларига кўра, Арктика ва Антарктида институтида доимий равишда Антарктида муз қатлами мониторинг қилиб борилади, ва Ларсен музлиги — кўплаб шельфли музликлар орасида энг фаоли эмас. «Бу шов-шув — асоссиз нарса», — деб ҳисоблайди эксперт.
Изоҳ (0)