Россиялик прокурор Мария Семененко мухолиф сиёсатчи Борис Немцовни ўлдиришда айбдор деб топилган Заур Дадаевга умрбод қамоқ жазоси беришни сўради. Шунингдек, айблов Дадаевга 200 минг рубль миқдорида жарима белгилашни ҳам сўрамоқда, деб хабар беради Meduza.
Бундан ташқари, айблов ички қўшинларда хизмат қилган Дадаевни лейтенант унвони ҳамда Жасорат орденидан маҳрум қилиш талабини илгари сурмоқда.
Қотиллик иши бўйича айбдор деб топилган яна бир гумондор — Анзор Губашев учун прокурор Семененко 23 йиллик қатъий тартибли колонна мухлатини сўрамоқда. Унинг укаси Шадид Губашев 21 йиллик қатъий тартибли колонна мухлатини олиши, шунингдек, 200 минг рубль жаримага тортилиши мумкин.
Тўртинчи гумондорлар — Темирлан Эскерханов учун айблов 19 йиллик, Хамзат Бахаев учун 17 йиллик қамоқ жазоси сўрамоқда.
Изоҳ (0)