Олимлар: Бой ва камбағал одамларни юзидан аниқлаш мумкин

Торонто университети олимларининг тушунтиришича, инсоннинг бахтли юз ифодаси бевосита муваффақиятга боғлиқ, деб ёзади «Наука».

Тадқиқотларнинг кўрсатишича, нотаниш одамнинг бой ёки камбағаллигини унинг портретига қараб бемалол аниқлаш мумкин. Ижтимоий ҳолат ҳатто нейтрал юз ифодасида ҳам акс этади.

Психологларнинг тушунтиришича, ижтимоий ҳолат одамларнинг юзида гавдаланади, янги пайдо бўлган ифодалар эса маълум даражада одамлар учун янги очилаётган имкониятлар акси бўлиши мумкин.

Ўсмирлик ва ёшлик давридаги ҳиссиётлар, қийинчиликлар ёш ўтса ҳам йўқолмадиган «ниқоб»га айланади.

Буни тушунтириш учун психологлар асос сифатида канадалик оиланинг ўртача йиллик даромадини олди. Кейин эса оилавий даромади пастроқ ва юқорироқ бўлган кўнгиллилар танлаб олинди. Тадқиқотнинг барча иштирокчилари суратга туширилди ва суратлар назорат гуруҳига берилди.

Экспертларга суратлардан ташқари ҳеч қандай маълумот берилмаган. Гуруҳдан суратларга қараб, ички сезгига таяниб, суратлардаги ҳар бир қаҳрамоннинг молиявий аҳволи ва ижтимоий ҳолатини баҳолаш сўралган. Назорат гуруҳи 53 фоиз аниқлик билан ким бой ва ким камбағал оиладан эканлигни аниқлашга муваффақ бўлган.