Сахалин вилоятининг Победино қишлоғида яшовчи 26 ёшли Варвара Нигматуллинанинг уйи ёқиб юборилди. Бу ҳақда «MK.ru» хабар бермоқда.
Россия инсон ҳуқуқлари учун адвокатлар ассоциациясига мурожаат қилган сахалинлик Олег Внуковнинг билдиришича, қишлоқда ишсизлик муаммоси бўлган ва кўпчилик наркотикларга муккасидан кетган.
Айнан наркотиклар туфайли Варвара Нигматуллинанинг 38 ёшли турмуш ўртоғи жонига қасд қилди. Бироқ қишлоқдагилар ёш аёлни жодугарлик ва эрининг ўлимида айблаб, уйини ёқиб юборди.
Энди аёл болалари билан кўчада қолди, маҳаллий аҳоли эса унинг афсунларидан чўчиб, ёрдам беришдан бош тортмоқда.
Ассоциацияга кўра, бу қишлоқ аҳли қўшниларидан гўё сеҳр-жоду билан шуғуллангани учун ўч олаётган Россиядаги биринчи ҳолат эмас.
Изоҳ (0)