Қозоғистон Мудофаа вазирлиги республика Ташқи ишлар вазирлигининг қозоқ ҳарбий хизматчиларини Сурияга жўнатилиши борасидаги позициясига қўшилмоқда. Бу ҳақда «РИА Новости»га Қозоғистон Қуролли кучларининг бош штаби раҳбари вазифасини бажарувчи Адилбек Алдабергенов маълум қилди.
Қозоғистон Ташқи ишлар вазирлиги 23 июнь куни, Қозоғистон ўз ҳарбий хизматчиларини Сурияга юбориш борасида ҳеч ким билан музокаралар олиб бормаётганини маълум қилганди. Вазирликнинг таъкидлашича, Суриядаги тўртта деэскалация зоналарининг хавфсизлиги ва самарадорлигини таъминлаш масаласи айни вақтда Остона жараёнининг кафил-мамлакатлари ваколатида бўлиб, бу ва бошқа масалалар 4—5 июль кунлари Остонада бўлиб ўтадиган учрашув жараёнида муҳокама қилинади.
Ташқи ишлар вазирлигининг баёнотига кўра, Қозоғистон учун ўз тинчликпарвар кучларини дунёнинг ихтиёрий қайноқ нуқтасига юборишни кўриб чиқиш масаласи жуда муҳим бўлиб, у БМТ Хавфсизлик кенгаши резолюцияси ва шу халқаро ташкилотнинг тегишли мандатлари қарорига боғлиқ.
«Россиянинг Қозоғистон ҳабийларини Сурияга юбориш таклифига тегишли сўрови ўрганиб чиқилиб, Қозоғистон Республикаси Ташқи ишлаш вазирлиги томонидан ушбу масалага расмий изоҳ берилган. Қозоғистон Республикаси Мудофаа вазирилиги ТИВ эълон қилган расмий баёнотдаги позицияга қўшилади», — дея агентликка жавоб берди Алдабергенов.
Аввалроқ, Туркия президентининг вакили Иброҳим Қалин Россия Суриядаги деэскалация зоналарига Қирғизистон ва Қозоғистон ҳарбийларини юбориш таклифини берганини маълум қилганди. Давлат думаси қўмитасининг раҳбари Владимир Шаманов Россия ушбу икки давлат билан ҳарбийларни Сурияга юбориш борасида музокара олиб бораётганини тасдиқлади.
Изоҳ (0)