Оқ уйда АҚШ президенти Дональд Трампнинг Жанубий Корея президенти Мун Чжэ Ин билан расмий қўл бериб сўрашишини суратга олмоқчи бўлган журналистлар Америка етакчисининг журналлар столи устидаги чироқни икки марта тушириб юборишига сал қолди. ABC телекомпанияси эълон қилган видеода Трампнинг жаҳли чиққанини кўриш мумкин, деб хабар берди «ТАСС».
Маросимда кўплаб Жанубий Корея журналистлари иштирок этган. Махфий хизмат ходимлари улардан «югуришни тўхтатишни» сўраган. Мухбирлар суратга олишга тайёргарлик кўраётганида, улардан бири беихтиёр диванни суриб юборган, оқибатда эса АҚШ президентининг ёнгинасида жойлашган чироқ тушиб кетишига оз қолган. Бир неча сониядан сўнг ёритиш мосламасини яна тушириб юборай дейишди.
«Секинроқ, йигитлар, секинроқ! Борган сари ёмонлашиб боряпсизлар. Столни ҳам ағдариб юбора қолинглар», — деди Трамп.
Жанубий Корея президенти АҚШга расмий ташриф билан борган. 30 июнь куни Трамп ҳамда Мун Чжэ Ин ўртасида бир қатор учрашувлар бўлиб ўтди.
Изоҳ (0)