Канада Кимёвий қуролни тақиқлаш ташкилоти (КҚТТ) Сурияда кимёвий қурол қўлланиши бўйича текширувларини давом эттириш учун 2,5 миллион доллар ажратади. Бу ҳақда мамлакат ташқи ишлар вазири Христя Фриланд маълум қилди, дея хабар беради «Газета.ru».
«Мазкур баёнот Канада томонидан Сурия халқи қатъият билан қўллаб-қувватланишини англатади. КҚТТнинг дадил ва фидойилик билан олиб борилаётган фаолияти Сурияда кимёвий ҳужумлар содир этилиши ҳолатларини аниқлашда асосий омил бўлиб турибди», — таъкидлади вазир.
Оттава ҳомийлик қиладиган текширувлар доирасида КҚТТ расмий Дамашқ томонидан кимёвий қурол захиралари йўқ қилиниши экспертизасини ўтказади.
Изоҳ (0)