Флорида пляжи соҳилларида сузиб юрган учта акула интернет фойдаланувчилар орасида машҳур бўлиб кетди, деб хабар берди Forum Daily.
Стефани Адкок видеони Форт-Уолтондаги Окалуза-Айлендда суратга олган. Видеода учта акулани кўриш мумкин, бироқ муаллифнинг сўзларига кўра, сувда еттитага яқин акула бўлган.
«Улар бизнинг олдимизда 10 дақиқа бўлди», — дейди Арканзасдан Флоридаги дам олиш учун келган Адкок.
Акулалар соҳилга соат 15:30 ларда келган. Уларнинг узунлиги 1,5—2 метр. Кўплаб дам олувчилар, бундан ташқари ўша вақтда сув остида сузиш билан шуғулланаётган одам сувдан чиқишга улгуриб қолган.
«Дўстимнинг ўғли сув остида сузиш билан шуғулланаётган эди ва биз унга сувдан чиқ дея бақирдик… бироқ у нима бўлаётганини тушунмади», — дейди Стефани.
Стефанининг турмуш ўртоғи Дон унга ёрдам кўрсатган ва у ҳеч қандай жароҳатсиз сувдан чиқишга муваффақ бўлган.