2011 йилда Норвегияда иккита терактни амалга ошириб, 77 кишининг умрига зомин бўлган Андерс Брейвик (исмини Фотулфа Хансенга ўзгартирган) Страсбург судига қамоқда ёлғиз ҳолда сақланаётганидан шикоят қилиш ниятида. Бу ҳақда NRK телекомпаниясига таяниб, «РИА Новости» хабар берди.
«Террорчининг асосий шикояти — бу ёлғиз ҳолатда ҳибсда сақланаётганлигидан руҳий жароҳат олиши мумкинлиги», — дея тушунтириш беради телекомпания. Брейвик-Хансен деярли олти йилдан бери қамоқхонадаги камерада ёлғиз сақланиб келинади. У фақат қамоқхона ходимлари ва адвокатлар билан мулоқот қилиши мумкин.
«Шикоятнинг мазмуни шундан иборатки, изоляция даражаси жуда юқори ва у анча вақтдан бери давом этмоқда», — дейди адвокат Ойстен Сторрвик.
Унинг таъкидлашича, қамоқхона ходимлари билан суҳбатлашиш муаммони бартараф этмайди. Бундан ташқари Брейвик-Хансеннинг фикрича, унинг хати цензурада айблангани бу ҳам унинг ҳуқуқларини поймол қилиш ҳисобланади.
Шикоят 13 вароқдан иборат ва суднинг шу турдаги ҳукмларга нисбатан қўллаган қарорларидан мисоллар келтирилган.
Эслатиб ўтамиз, олдинроқ Андерс Брейвик икки хоналидан бир хонали камерага кўчирилгани ва сутканинг 23 соати давомида камерадан ташқарига чиқиши тақиқлангани туфайли «ўлгунига қадар давом этадиган» очлик эълон қилгани тўғрисида хабар берилганди.
Изоҳ (0)