22—24 июнь кунлари Жанубий Кореяда мода соҳаси бўйича дунёдаги энг катта фестиваль — Asia Model Festival бўлиб ўтди, деб хабар берди «Afisha.uz».
Осиёдаги мода фестивали бугунги кунда ўз қаноти остига гўзаллик танловини (AsiaNewStarModelContest), модалар ҳафталигини, мода ва гўзаллик индустриясидаги кўргазма танловни, шунингдек, «Оскар» ва «Грэмми»нинг Осиё вариантини бирлаштиради.
23 июнь куни моделлар учун Face of Asia танловининг финали бўлиб ўтди. Унда Марказий Осиёдан 11 нафар иштирокчи қатнашди. Жорий йилда Face of Asia’да Осиёдаги 25 давлат, шунингдек, БАА ва Австралия иштирок этди.
Ўзбекистон жамоасининг вакили Шаҳбоз Маҳмудов эркак моделлар орасида энг яхши дея топилди ва Vest Mal Model мукофоти билан тақдирланди. Ушбу йигит Осиёнинг янги юзи бўлиб, унга New Face of Asia унвони топширилди.
Ўзбекистондан бўлган яна бир иштирокчи, модель Анастасия Ухова Visit Korea Year ҳомийлар мукофотига сазовор бўлди.
Ўзбекистон жамоасининг ушбу мусобақада учинчи бор иштирок этиши.
Изоҳ (0)