Оқ шим — таянч гардеробдаги универсал кийим бўлиб, у қуёфани бир лаҳзада «жонлантиради» ва эҳтимол, ҳар қандай услубга мос келади. Хўш, уни қандай кийимлар билан уйғунлаштириш мумкин?
Оқ жинси шимни бошқа ҳар қандай жинси шим каби қабул қилинг. У фақат ранги билан фарқланса-да, аслида оқ жинси шим билан кўк ёки қора жинсига мос келадиган барча кийимлар мос тушади. Турли рангдаги ва турли нақшли майкалар, свитерлар, блузкалар — жуда яхши танлов.
Оқ шимни совуқ ҳавода ҳам кийишдан қўрқманг. Оқ жинси иссиқ ҳаво ва қуёш, ёзги пикниклар, денгиз ва мусаффоликни эслатади. Аммо бундай жинсиларни сиз пальто, бомбер ва турли курткалар билан ҳам осонлик билан кийишингиз мумкин.
Ҳозирги пайтда оммабоп бўлган устки ва пастки кийимларни бир хил рангда кийиш тенденциясига риоя қилган ҳолда, оқ шимни шу рангдаги кофталар билан уйғунлаштириб, ҳам ишга, ҳам дугоналар билан учрашувга боришингиз мумкин.
Шунингдек, оқ шим ёрқин қиёфа учун ажойиб асосга ҳам айланиши мумкин. Бунинг учун унга ёрқин элементларни қўшиш кифоя.
Оқ ёки сарғиш рангдаги пойабзал оёқни узун қилиб кўрсатади. Кўпинча биз оқ шим визуал жиҳатдан оёқни калта қилиб қўйиши ҳақида эшитамиз. Аммо оқ жинсини шундай оёқ кийим билан бирга кийсангиз, бундай эффектдан халос бўла оласиз.
Манба: «Tochka.net»
Изоҳ (0)