Ёзга оёқ кийим танлаймиз: 6 та энг актуал модель (фото)

Қиёфангизга ҳеч бир нарса сўнгги урфдаги пойабзал каби кўрк бера олмайди. Бу мавсумда  дизайнерлар қулайликни биринчи ўринга қўйди, аммо албатта, латофат ҳақида ҳам унутмади, ахир туфли доимо ҳар бир олифта хонимнинг ташриф қоғози бўлган ва шундай бўлиб қолади. Мақолада келаётган ёзнинг олтита энг актуал пойабзаллари билан танишишингиз мумкин.

Платформа

Бундай тренд 90 йиллар сарқити деб ўйласангиз, қаттиқ адашасиз. Платформали оёқ кийимларни Proenza Schouler, Miu Miu, Gucci ва Balmain янги коллекцияларида учратиш мумкин.

Пошна

Бу мавсумда мустаҳкам қалин пошна трендда, ва энг асосийси, пошна қанчалик ноодатий бўлса, шунчалик яхши. Шаффоф, рангли ёки оригинал шаклдаги пошна қиёфангизнинг етакчи аксессуари ва ёрқин урғусига айланиши мумкин.

Kitten heels

Бу мавсум дизайнерлар 60 йиллар даврига қайтиб, митти пошнали ва орқаси очиқ пойабзалларни танлашни тавсия қилмоқда.

Эспадрилья

Машҳур испан эспадрильялари иссиқ Ўртаер денгизи ёзи колоритини акс эттиради ва бутун дунё бўйлаб кўплаб трендсеттерлар қалбини забт этишда давом этмоқда. Енгил ва қулай пойабзал деярли ҳар қандай кийим билан мос тушади.

Боғич ва тасмалар

Боғичлар ва гладиатор босоножкалар кетма-кет бир неча мавсумдан буён оммабоплик чўққисида бўлиб келмоқда. Бу ёз уларга тасмалар ҳам қўшилди, улар романтик услубни севувчилар учун айни муддао. Пуант (балетда кийиладиган оёқ кийим)ни эслатувчи тренд энг оддий кундалик қиёфага ҳам назокат бахш этади.

Слайдерлар

Енгил очиқ шиппакларни нафақат пляжда, балки шаҳарга хос casual услубидаги либослар билан ҳам кийиш мумкин, оригинал моделлар эса ҳатто тантанали кечалар учун ҳам мос тушади.