Ёз фаслида зарарли ультрабинафша нурлардан ҳимояланиш учун бош кийим кийишни унутманг. Хўш келаётган ёзда қандай бош кийимлар урфга киради?
Бейсболка
Фото: «Fraufluger.ru»Спорт услуби оммабоплик чўққисига чиққан бир пайтда бейсболка барча олифта қизлар учун мутлақ must-have’га айланди. Уни шаҳарга хос спорт комплектлари билан ҳам, эркаклар услубидаги шимли костюм билан ҳам кийиш мумкин. Фақат бунинг учун ҳеч қандай нақшсиз оддий вариантни танланг. Кеча ва зиёфатларга эса (норасмийларига, албатта) эса, бемалол тошлар, нақшлар, расмлар туширилган ёрқин кепкаларни кийиб боришингиз мумкин.
Козирёк
Теннисчилар спорт формасининг бир қисми — ёпиштириб қўйиладиган козирёк бу мавсумда шаҳар кўчаларига ва олифталар гардеробига кўчди. Замш, велюр ва ранг-баранг пластикдан ясалган козирёкларни дизайнерлар ҳилпираб турувчи матодан тикилган комбинесонлар ва костюмлар билан уйғунлаштиришни маслаҳат беради.
Похол шляпа
Дизайнерлар бизнинг анъанавий похол шляпа ҳақидаги таассуротимизни ўзгартириб, уни оқсуякларга хос бўлган бош кийимига айлантирмоқда. Биз қиёфамиз ва кайфиятимизга қараб, турли шакл ва катталикдаги, турли безакли шляпалардан бирини танлашимиз мумкин.
Панама
Фото: «Fraufluger.ru»
Болаликдан бизга таниш бўлган бош кийими — панама — бу ёзда модали аксессуар мақомига эга бўлади, уни шаҳарда ҳам бемалол кийиб юриш мумкин. Дизайнерлар янги коллекцияларида пахта газлама, бахмал ва шойидан тикилган нафис безакли панамалар моделларини тақдим этди.
Изоҳ (0)