Яшнобод тумани ҳудудида Гулчеҳра Марипованинг хонадонида таъмирлаш ишлари билан шуғуллаётган Сайдилов Бобурхон Зоир ўғли 2017 йил 23 июнга ўтар кечаси уй эгасига тегишли бўлган 1 миллион сўмни ўғрилаган. Бу ҳақда Тошкент шаҳар ИИББ матбуот хизмати маълум қилди.
Мазкур ҳолат юзасидан Яшнобод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 169-моддаси 1-қисми (ўғрилик, яъни ўзганинг мол-мулкини яширин равишда талон-тарож қилиш) аломатлари билан жиноят иши қўзғатилди.
Ҳозирда дастлабки тергов ҳаракатлари давом эттирилиб, мазкур шахснинг бошқа жиноятларга алоқадорлиги текширилмоқда.
Изоҳ (0)