Россияда ишлашни ихтиёр этган Ўзбекистон фуқаролари Ўзбекистон Миллий университети, Тошкент давлат техника университети ҳамда Ломоносов номидаги Москва давлат университетининг Тошкентдаги филиалида бўлиб ўтадиган имтиҳонларни топшириши лозим, деб хабар берди «Коммерсантъ.uz».
Кенг қамровли имтиҳонлар рус тили, тарих, ҳамда Россия қонунчилиги асосларидан бўлиб ўтади. Имтиҳон пулли бўлиб, унинг тўловини номзодларнинг ўзи миллий ёки хожирий валютада амалга оширишлари мумкин.
Имтиҳонга тўланган пуллар орқали йиғилган маблағ университет ходимлари фаолиятини рағбатлантириш, моддий-техник базасини янада ривожлантиришга йўналтирилади.
Ўзбекистон ҳудудида кенг қамровли имтиҳонларни ўтказадиган оилй таълим муассасалари 2022 йилнинг 1 январига қадар бир қатор солиқлардан озод этилади.
Бундан ташқари имтиҳонни муваффақиятли топширган фуқароларнинг автоматлаштирилган электрон маълумотлар базаси яратилиб, у узоқ муддатга чет элда меҳнат фаолиятини юритиш учун чиқиб кетган фуқароларнинг мавжуд электрон маълумотлар базаси билан синхронлашади.
Изоҳ (0)