Хитойда гиёҳванд моддалар савдоси билан шуғулланган уч киши қатл этилди

Хитойда гиёҳванд моддалар савдосида айбдор деб топилган уч киши қатл этилди. Бу ҳақда «РИА Новости» хабар бермоқда.

Қарор мамлакат жанубидаги Гуандун провинцияси Хуэйчжоу шаҳри ўрта поғона суди томонидан қабул қилинди.

Наркодилерлар 2013 ва 2014 йилларда ушланган эди. 2013 йили қатл этилганлардан бирининг машинасидан 10 килограмм метамфетамин топилган эди. У наркотикларни Гуанчжоуга етказишга уринганида қўлга олинган эди. Иккинчи жиноятчининг хонадонидан эса 23 килограмм кристалл шаклидаги метамфетамин топилган эди.

Учинчи жиноятчи 2014 йили Гуанчжоу тезкор трассасида тўхтатиб қолинган эди. Унинг машинасидан 7,5 килограмм метамфетамин топилганди.

Қатл ҳукми 22 июнь куни ижро этилди.