Иванка Трамп ўзига тегишли IT Collection компанияси томонидан муаллифлик ҳуқуқи бузилиши иши бўйича судда кўрсатма беради. Бу ҳақда «Коммерсантъ» маълум қилди.
Италиянинг Aquazzura Italia компанияси АҚШ президенти қизини пойабзал дизайнини кўчиришда айбламоқда. Даъвогарга кўра, IT Collection қасддан компания сандалияларининг арзон кўринишини лойиҳалаштирган.
Иванка Трамп адвокатлари орқали даъвога сабаб бўлган пойабзал ҳақида кўрсатма бериш учун етарлича маълумотга эга эмаслигини судга билдирди.
«Hettie Shoe пойабзали концепциясини яратиш, дизайни, ишлаб чиқарилиши ёки сотувида иштирок этмаганман. Менинг иштироким мавсумий линияни узил-кесил маъқуллаш билан чекланган», — таъкидлади Иванка Трамп.
Изоҳ (0)