Бир неча ой аввал 20 ёшли қизи Эббидан ажралиб қолган АҚШ фуқароси Билл Коннер трансплантация дастури доирасида унинг органларига эга бўлган одамлар билан учрашишга қарор қилди, деб ёзади TJournal. Қиз ўзининг учта органини 20 дан 60 ёшгача бўлган уч эркакка ҳадя қилди.
Биллнинг қизи беш ой аввал Мексикада таътил чоғида бош суяги ва мия шикастланиши натижасида ҳалок бўлди. У 16 ёшидаёқ органлар донори бўлишга қарор қилган, унинг бу қарорини оиласи қўллаб-қувватлаган эди.
Эббининг отаси қизининг органлари кўчириб ўтказилган одамлар билан учрашишга қарор қилиб, велосипедда йўлга чиқди. Илк саёҳатини Висконсиндан Луизианага амалга оширди ва 4 минг километрдан зиёд йўл босди. Луизианада Эббининг юраги кўчирилган кичик Жек Ломот билан кўришди. Жек ота ўз қизининг юрак уришини эшитиши учун учрашувга стетоскоп олиб чиқди. Билл юрак уриши товушини ёзиб олди, энди уйга қайтишда уни эшитиб кетмоқчи. Эркак ўз саёҳатини давом эттириб, йўлда одамларга донорликнинг аҳамияти ҳақида гапириб бермоқчи.
Dad bikes 1,400 miles to hear deceased daughter's heartbeat on Father's Day https://t.co/UlZQwhnohS pic.twitter.com/5NIvNWy5wx
— CBS News (@CBSNews) June 22, 2017
Изоҳ (0)