Туркия аквапаркларидан бирида электр токи зарбаси оқибатида 5 киши ҳалок бўлди. Бу ҳақда Milliyet хабар бермоқда.
Ҳодиса Сакаря вилоятининг Оқёзи шаҳрида рўй берди. Бассейнда чўмилаётган 3 нафар болани номаълум сабабларга кўра ток урди. Буни кўрган парк эгаси Маҳмуд Қоя ва унинг ўғли Қодир уларни қутқариш учун ўзларини сувга отди.
Бино электрдан узилганидан сўнг 5 киши касалхонага олиб кетилди, бироқ улар юрак тўхтатиши туфайли оламдан ўтди. Бассейн металл конструкцияларига тегинган икки киши жабрланди.
Дастлабки текширув ҳодиса сабабларига аниқлик киритмади. Терговчилар мазкур ҳолатнинг барча тафсилотларини ўрганмоқда.
Изоҳ (0)