Turkiya akvaparklaridan birida elektr toki zarbasi oqibatida 5 kishi halok bo‘ldi. Bu haqda Milliyet xabar bermoqda.
Hodisa Sakarya viloyatining Oqyozi shahrida ro‘y berdi. Basseynda cho‘milayotgan 3 nafar bolani noma’lum sabablarga ko‘ra tok urdi. Buni ko‘rgan park egasi Mahmud Qoya va uning o‘g‘li Qodir ularni qutqarish uchun o‘zlarini suvga otdi.
Bino elektrdan uzilganidan so‘ng 5 kishi kasalxonaga olib ketildi, biroq ular yurak to‘xtatishi tufayli olamdan o‘tdi. Basseyn metall konstruksiyalariga tegingan ikki kishi jabrlandi.
Dastlabki tekshiruv hodisa sabablariga aniqlik kiritmadi. Tergovchilar mazkur holatning barcha tafsilotlarini o‘rganmoqda.