АҚШ президенти Дональд Трамп ҳукуматга келганидан бироз вақт ўтгач унинг маъмурияти америка фуқаросини озод қилиш учун Сурия ҳукумати билан алоқа канали ўрнатди. Вашингтон АҚШ фуқароси Сурия ҳудудида қўлга олинган ва ушлаб турилибди, деб ҳисобламоқда. Бу ҳақда The New York Times газетасига таяниб, «ТАСС» хабар бермоқда.
Газетанинг маълумотларига кўра, гап америкалик журналист ва собиқ ҳарбий хизматчи Остин Тайс ҳақида кетмоқда. АҚШ уни Сурия ҳукумати қўлга олган, деб ҳисобламоқда. Газетанинг ўз манбаларига таяниб ёзишича, тўғридан-тўғри музокаралар олиб боришнинг иложи бўлмагани сабабли, Вашингтон Сурия расмийлари билан махфий алоқа канали ташкил қилишга қарор қилган. Маълумотларга кўра, жорий йилнинг февраль ойида АҚШ МРБ директори Майкл Помпео Сурия махсус хизматларидан бирининг раҳбари Али Мамлук билан музокара ўказган. Мазкур раҳбарга нисбатан инсон ҳуқуқларини бузганликда гумон қилиниб, америка санкциялари қўлланилган.
Тайсни озод қилиш умидида Мамлук билан музокаралар давом эттирилганига қарамасдан, Идлиб провинциясида кимёвий қурол қўлланилганига жавобан АҚШ томонидан Сурияга ракета зарбалари берилганидан сўнг алоқалар узилган.
АҚШ маълумотларига кўра, Тайс 2012 йилнинг августида минтақа бўйлаб саёҳат қилаётган вақтда ўғирлаб кетилган. Бироқ Сурия расмийлари унинг қаердалиги уларга маълум эканлигини рад этмоқда.
Тҳе New York Times’нинг қайд этишича, махфий канал орқали музокаралар давомида Тайсни озод қилиш сценарийси муҳокама қилинган. Сценарийга кўра, Сурия ҳукумати Тайсни қўлга олгани, мамлакатнинг иммиграция қонунларини бузгани учун уни суд қилинганини тасдиқлаши керак бўлган, шундан сўнг Башар Асад уни афв этиши керак бўлган. Кейин эса Асад ва Трамп ўртасида телефон мулоқоти бўлиб ўтиши керак бўлган. Бироқ юқоридаги сабаблар туфайли бундан ҳеч нарса чиқмаган.
Тҳе New York Times’нинг таъкидлашича, Тайсни озод қилиш учун АҚШ Россия билан ҳам музокаралар ўтказган. Музокаралар давомида Москва америка томонига Сурия расмийлари билан бу масала бўйича мулоқот қилишда ёрдам беришни таклиф қилган. Бироқ Москва бунинг учун АҚШ қамоқхонларида сақланаётган бир нечта Россия фуқароларини озод қилиш шартини қўйган.
Нашрнинг ёзишича, Вашингтон исми маълум қилинмаган «рус жосуси»ни Россиянинг Тайсни озод қилиш бўйича ёрдами эвазига озод қилишни хоҳлаган, бироқ Москва бундай таклифга жавоб бермаган.
Изоҳ (0)