Саудия Арабистони хавфсизлик хизмати Маккадаги Масжидул Ҳарамга уюштирилмоқчи бўлган террорчилик ҳужумининг олдини олди. Бу ҳақда Al Arabiya телеканалига таяниб, «Газета.ru» хабар берди.
Қироллик Ички ишлар вазирилигининг расмий вакили Мансур ат-Туркининг сўзлашича, жангарилар мамлакатнинг турли қисмларида учта ҳужум сериясини амалга оширишни режалаштирган.
Бунинг учун улар уч гуруҳга бўлинган. Улар ҳужумлардан бирини Жидда вилоятида, қолган иккитаси Макка шаҳрида амалга оширмоқчи бўлган.
Махсус кучлар Макка шаҳридаги Ал-Асиля ва Ажяд кварталларида жангариларни қўлга олиш бўйича операция ўтказди.
ИИВ маълумотларига кўра, худкуш террорчи турар-жой биноларидан бирига яшириниб олган ва хавфсизлик кучларига қарата ўт очган, шундан сўнг у ўзини портлатиб юборган.
Масжидул Ҳарам — дунёдаги энг катта масжид бўлиб, унинг ички ҳовлисида ислом аҳлининг муқаддас мақбараси — Каъба жойлашган.
Изоҳ (0)