Евросиё Медиа Форуми расмий сайтида форум ташкилий қўмитаси раиси Дариға Назарбоеванинг кириш гапи келтирилди.
«Дунё ахборот шовқини билан тўлиб кетган, бунда фактлар ўзининг биринчи даражали аҳамиятини йўқотиб, ҳақиқатнинг нотўғри манзарасини келтириб чиқарадиган далиллар ва фикрларнинг чексиз оқимига айланади, бу дунё ҳамжамиятини кўп бора сиёсий турбулентлик ва иқтисодий ағдар-тўнтарлар ҳолатига келтирган…
15 йилдан буён Евросиё Медиа Форуми ўз ташаббуси билан яқин ва узоқ хориждан етакчи экспертлар, сиёсатчилар, иқтисодчилар, жамоат ва маданият арбобларини ҳозирги куннинг муҳим мавзулари бўйича очиқ мулоқот учун бирлаштиради…
Бу йил Евросиё Медиа Форуми «Остона Expo-2017» халқаро кўргазмаси ҳомийлигида ва унинг ҳудудида бўлиб ўтади. Бўлғуси анжуманда дунёни геосиёсий жиҳатдан қайта қуриш, рақамли муҳитда хавфсизлик стратегияси ва барқарор тараққиёт, яшил иқтисодиёт ва келажак энергияларини илгари суриш тенденциялари масалаларини муҳокама қилиш режалаштирилмоқда», — дейилади сиёсат фанлари доктори Дариға Назарбоеванинг кириш гапида.
Эслатиб ўтамиз, ҳар йили Қозоғистоннинг Остона шаҳрида ўтказилиб, 60 мамлакатдан 600 дан зиёд делегатларни тўплайдиган халқаро баҳс-мунозара майдони — Евросиё Медиа Форумида бу йил «Дарё» нашри вакили ҳам қатнашмоқда.
Изоҳ (0)