21 июнь, чоршанба куни эрталаб Филиппин жанубидаги мактаб биносини эгаллаб олган экстремистлар ҳукумат қўшинлари билан бўлиб ўтган отишмадан сўнг чекинди, ҳеч ким жабрланмади, деб ёзади «Интерфакс». Ҳодиса Минданао оролидаги Пигкавайян шаҳрида юз берди.
Бригада генерали Реституто Падилья аввалроқ жангарилар ўқувчиларни гаровга олгани ҳақида пайдо бўлган маълумотларни рад этди. Унинг сўзларига кўра, асирлар орасида ўқувчилар бўлмаган.
Жангарилар чекинди, мактаб яна хавфсизликда, ҳарбийлар эса экстремистларни таъқиб қилмоқда.
Мактабга ҳужум қилган гуруҳлардан бири — Бангсаморо озодлиги учун курашчилар вакили Reuters’га маълум қилишича, улар беш нафар оддий фуқарони отишмалардан узоқроқдаги хавфсиз жойга олиб кетган, аммо уларни гаровда сақлаш ниятлари йўқ.
Изоҳ (0)