Tesla Хитойда электромобиллар заводи қуриш бўйича музокараларни якунламоқда

Tesla Хитойда электромобиллар йиғишни йўлга қўйиш ниятида: ҳозирда  компания Шанхай расмийлари билан шаҳар яқинида завод қуриш бўйича музокараларни якунламоқда. Бу ҳақда Insider Pro хабар берди. 

Хитой қонунларига биноан Tesla маҳаллий шерик билан қўшма корхона тузиши лозим, бироқ ҳозирча шерикнинг ким бўлиши мумкинлиги номаълум.

Келишув компанияга Хитойда электромобилларини 25 фоизли солиқсиз сотиш имконини беради. Бу эса Model S ва Model X машиналари АҚШдагидан кўра қимматлаб кетмаслигига олиб келади. 

Маълумот учун, ўтган йили компаниянинг Хитой бозоридаги тушуми 3 баробар кўпайди ва 1 миллиард доллардан ошди. Tesla’нинг ҳозирча фақат АҚШда, Калифорния штатида заводи бор, холос.