Uber асосчиси Трэвис Каланик компания раҳбари лавозимини тарк этди. Бу ҳақда Meduza хабар бермоқда.
The New York Times нашри манбаларига кўра, 20 июнь куни Uber’нинг 5 асосий инвестори Каланикка компания раҳбариятидан зудлик билан чиқиш талаб этилган мактуб йўллади.
Каланик улар билан бир неча соат давом этган музокаралардан сўнг истеъфоси ҳақида эълон этишга қарор қилди.
«Мен Uber’ни ҳамма нарсадан ортиқ яхши кўраман. Бироқ шахсан ўзим учун қийин бўлган лаҳзаларда инвесторларнинг лавозимни тарк этиш ҳақидаги илтимосини қабул қилдим. Чунки Uber яна бир жангга ўралашиб қолмай, яратишга қайтиши лозим», — дейилади Каланикнинг истеъфо ҳақидаги баёнотида.
Изоҳ (0)