Tesla Xitoyda elektromobillar yig‘ishni yo‘lga qo‘yish niyatida: hozirda kompaniya Shanxay rasmiylari bilan shahar yaqinida zavod qurish bo‘yicha muzokaralarni yakunlamoqda. Bu haqda Insider Pro xabar berdi.
Xitoy qonunlariga binoan Tesla mahalliy sherik bilan qo‘shma korxona tuzishi lozim, biroq hozircha sherikning kim bo‘lishi mumkinligi noma’lum.
Kelishuv kompaniyaga Xitoyda elektromobillarini 25 foizli soliqsiz sotish imkonini beradi. Bu esa Model S va Model X mashinalari AQShdagidan ko‘ra qimmatlab ketmasligiga olib keladi.
Ma’lumot uchun, o‘tgan yili kompaniyaning Xitoy bozoridagi tushumi 3 barobar ko‘paydi va 1 milliard dollardan oshdi. Tesla’ning hozircha faqat AQShda, Kaliforniya shtatida zavodi bor, xolos.
Izoh (0)