Саудия Арабистони қироли Салмон валиаҳд шаҳзодани ўзгартирди: Муҳамамад бин Наиф ўрнини монархнинг 31 ёшли ўғли Муҳаммад бин Салмон эгаллади, деб ёзади «РИА Новости».
Янги меросхўр шаҳзодани тасдиқлаш учун ҳукумат алоҳида овоз бериш жараёнини ўтказди. Муҳаммад бин Салмон номзоди учун қасамёд кенгашининг 43 аъзосидан 31 нафари ўз овозини берди.
Шу билан бирга, у мудофаа вазирлигини бошқаришда давом этади ва бош вазир ўринбосари лавозимини эгаллайди.
Бундан ташқари, Муҳаммад бин Наиф ички ишлар вазири лавозимидан ажралди. Бу лавозимга қирол шаҳзода Абдулазиз бин Сауд бин Наифни тайинлади.
Муҳаммад бин Наиф 2015 йил баҳорида — Салмон Саудия тахтига ўтирган вақтда валиаҳд шаҳзодага айланган эди. Ўшанда қиролнинг бошқа ўғли, мудофаа вазири Муҳаммад бин Салмон меросхўр шаҳзоданинг ўринбосари номига сазовор бўлган эди.
Изоҳ (0)