Жанубий Корея президенти Мун Чжэ Ин Шимолий Корея қамоқхонасидан озод этилганидан сўнг вафот этган америкалик талаба Oттo Вомбиернинг оила аъзоларига ҳамдардлик билдирди. Бу ҳақда давлат раҳбарининг матбуот котиби Пак Су Хён маълум қилди, дея хабар беради «ТАСС».
«Президент янгиликлардан Вомбиернинг ўлими ҳақида хабар топди. У марҳумнинг оиласи ва қариндошларига чуқур ҳамдардлик билдиради», — таъкидлади Пак Су Хён.
Матбуот котибининг билдиришича, Мун Чжэ Ин Пхеньян Вомбиернинг яқинларига саломатлиги ёмонлашгани ҳақида хабар бериб, сифатли тиббий ёрдам кўрсатиб, зиммасидаги мажбуриятларини бажарган ёки йўқлигини ўсмоқчилаган.
БМТ маълумотларига кўра, Oттo Вомбиер ўтган йилнинг мартидан буён кома ҳолатида бўлган. У қамоқхонада берилган уйқу доридан сўнг комага тушиб қолган. Америкалик шифокорлар тиббий кўриклардан сўнг маълум қилишича, йигит оғир бош суяк-мия шикастланишини бошидан ўтказган.
Америкалик талаба КХДРга қарши қўпорувчилик фаолиятида айбланиб, озодликдан маҳрум этилган эди.
Изоҳ (0)