Janubiy Koreya prezidenti Mun Chje In Shimoliy Koreya qamoqxonasidan ozod etilganidan so‘ng vafot etgan amerikalik talaba Otto Vombiyerning oila a’zolariga hamdardlik bildirdi. Bu haqda davlat rahbarining matbuot kotibi Pak Su Xyon ma’lum qildi, deya xabar beradi “TASS”.
“Prezident yangiliklardan Vombiyerning o‘limi haqida xabar topdi. U marhumning oilasi va qarindoshlariga chuqur hamdardlik bildiradi”, — ta’kidladi Pak Su Xyon.
Matbuot kotibining bildirishicha, Mun Chje In Pxenyan Vombiyerning yaqinlariga salomatligi yomonlashgani haqida xabar berib, sifatli tibbiy yordam ko‘rsatib, zimmasidagi majburiyatlarini bajargan yoki yo‘qligini o‘smoqchilagan.
BMT ma’lumotlariga ko‘ra, Otto Vombiyer o‘tgan yilning martidan buyon koma holatida bo‘lgan. U qamoqxonada berilgan uyqu doridan so‘ng komaga tushib qolgan. Amerikalik shifokorlar tibbiy ko‘riklardan so‘ng ma’lum qilishicha, yigit og‘ir bosh suyak-miya shikastlanishini boshidan o‘tkazgan.
Amerikalik talaba KXDRga qarshi qo‘poruvchilik faoliyatida ayblanib, ozodlikdan mahrum etilgan edi.
Izoh (0)