Бортида ядро қуролини ташишга қодир бўлган Американинг иккита B-1B бомбардимончи самолёти 20 июнь, сешанба куни Жанубий Кореядаги ҳарбий-ҳаво ўқув машғулотларида қатнашади, деб ёзади «РИА Новости».
Ҳарбий машқларда Жанубий Корея ҲҲКнинг F-15K қирувчилари ҳам иштирок этади.
«Рёнхап» агентлиги манбаси сўзларига кўра, «стратегик бомбардимончиларнинг Жанубий Кореяга жойлаштирилиши АҚШнинг Шимолий Корея томонидан ҳарбий таҳдидни тийишга қаратилган қатъиятини кўрсатади».
КХДРда кучли хавотирга сабаб бўлаётган АҚШ бомбардимончилари осмонда Жанубий Корея самолётлари билан биргаликда бир неча соат давомида бўлади. Бундан ташқари, улар Канвондо провинциясидаги Пхильсон полигонида бомбардимонларни машқ қилади.
Изоҳ (0)