Россиянинг Иркутск — Чита трассасида ибодатдан қайтаётган зиёратчилар тушган автобус ҳалокати қурбонлари сони 14 кишига етди. Бу ҳақда «ТАСС» хабар бермоқда.
Олдинроқ авария оқибатида 12 киши ўлгани маълум қилинганди.
Байкалорти ўлкаси соғлиқни сақлаш вазирлиги матбуот хизматига кўра, автобус ҳайдовчиси ҳаётдан кўз юмган. Айни пайтда Бурятия ва ўлка касалхоналарида 34 киши қолмоқда. Улардан 18 нафари жонлантириш бўлимида бўлиб, жумладан, бир қизалоқ кома ҳолатида.
KIA автобуси 11 июнь, якшанбага ўтар кечаси ағдарилиб кетди. Дастлабки маълумотларга кўра, ҳайдовчи бошқарувни уддалай олмаган.
Изоҳ (0)