Ўзбекистон Президенти Шавкат Мирзиёев Тошкент шаҳрининг Яшнобод туманида инновацион технопарк ташкил этиш тўғрисидаги Фармонни имзолади. Бу ҳақда Norma хабар бермоқда.
«Яшнобод» технопарки қуйидаги йўналишларда илмий тадқиқотлар, тажриба ва ишлаб чиқариш синовлари ўтказиш, инновацион маҳсулотлар намуналарини ўзлаштиришга ихтисослашади:
- Кимё технологиялари, биотехнология, фармацевтика ва тиббиёт биотехнологияси, ўсимликларни ҳимоя қилиш воситалари;
- Манбашунослик, металларни қайта ишлаш технологиялари, зилзилабардошлилик, қурилиш материаллари;
- Озиқ-овқат саноати;
- Энегия тежаш, қайта тикланувчи ва муқобил энергия манбалари, электрон ўлчов қурилмалари, робототехника, машиносозлик, электротехника.
Тижорат банклари лойиҳаларни амалга ошириш учун 7 йил муддатгача (2 йиллик имтиёзли даври билан), Марказий банк қайта молиялаштириш ставкасининг 50 фоизидан ошмаган миқдорда кредит беради. Кафиллик таъминоти тариқасида харид қилинаётган жиҳоз, шунингдек, технопарк маъмуриятининг кафиллиги қабул қилиниши мумкин.
«Яшнобод» технопарки маъмурияти ва резидентлари лойиҳалари амалга ошириладиган муддатга солиқ ва божхона тўловларидан озод қилинади.
Изоҳ (0)