Литва давлат чегарасини қўриқлаш хизмати пудратчи билан Калининград вилояти яқинидаги Литва-Россия чегарасида ҳимоя тўсиғини қуриш ҳақида шартнома имзолади, деб ёзади «Газета.ru» маҳаллий ОАВларга таяниб.
«Калининград вилояти билан давлат чегарасида 44,6 километрлик узунликдаги майдонда баландлиги икки метрга тенг металл сегментли тўсиқ ўрнатилади, унга қўшимча ускуналар ўрнатилади. Тўсиқ Литва, Польша ва Россия чегаралари кесишган нуқтадан бошлаб қурилади», — дейилади хабарда.
Қурилиш ишлари 1,335 миллион еврога баҳоланмоқда. Маблағ Литва бюджетидан ажратилди. Тўсиқни 2017 йил 20 декабргача тўлиқ барпо этиш кўзда тутилган. Шунингдек, 2020 йилгача Литванинг Беларусь билан чегарасида девор қуриш режалаштирилмоқда.
Изоҳ (0)