Саудия Арабистони ва Баҳрайн ҳукуматлари Қатар билан дипломатик алоқаларни узишга қарор қилди, деб ёзади «Газета.ru» Reuters’га таяниб.
Баҳрайн Қатарни ўз ички сиёсатига аралашишда айблади. Таъкидланишича, Баҳрайн 24 соат давомида Қатар билан транспорт, денгиз ва ҳаво қатновини ёпади.
Шу билан бирга, Қатар фуқароларига Баҳрайнни тарк этиш учун 14 кун муддат берилади.
Ўз навбатида, Саудия Арабистони «халқаро ҳуқуқ билан кафолатланган суверен ҳуқуқини амалга ошириш ва миллий хавфсизлигини терроризм ва экстремизм хатарларидан ҳимоя қилиш учун» Қатар билан дипломатик ва консуллик алоқаларини узишга қарор қилди.
Изоҳ (0)