БМТ Хавфсизлик кенгаши резолюциясига қарамай, Пхеньян ядровий қуролланиш дастурини ривожлантиришда давом этмоқчи, деб ёзади «Вести.ru».
Шимолий Корея ташқи ишлар вазирлиги вакили мамлакат унга қанчалик босим ўтказилишига қарамай, ядро кучларини ривожлантириш йўлидан қайтмаслигини маълум қилди. Унинг таъкидлашича, ушбу йўл КХДР суверенитетини ҳимоя қилиш ва унинг мавжуд бўлиш ҳуқуқини таъминлаш учун танланган. Санкцияларни эса у мамлакатни иқтисодий бўғиш мақсадидаги «душманларча ҳаракат» деб атади.
Нашр эслатишича, 2 июнь, жума куни БМТ Хавфсизлик кенгаши бир овоздан КХДРга қарши санкцияларни кенгайтиришни кўзда тутувчи резолюцияни қабул қилди. Давом этаётган ракета парвозлари туфайли жорий қилинган тақиқлар (сафар қилишга) ва активларнинг музлатилиши тўртта компания ва 14 шахсга нисбатан амал қилади.
Изоҳ (0)