Ислом ҳамжамиятининг муаммолари «Саудия каби қатор мусулмон жамоаларида ҳокимиятни бунга нолойиқ инсонлар эгаллаб олгани» билан боғлиқ. Бу ҳақда Эрон диний етакчиси Али Хоманаий Рамазон ойи бошланиши муносабати билан ўтказилган тантанали маросимда маълум қилди, дея хабар беради «ТАСС».
«Бундай вазият Ислом эътиқоди ва Қуръон таълимоти асосларидан узоқ. Бу инсонлар Қуръонни миллионлаб нусхада чоп этади, аммо уларнинг тутган йўли ва ҳаракатлари муқаддас китобда битилганларига қарши бўлмоқда. Улар кофирлар билан дўстлашиб, уларга халқ ҳаётини яхшилашга хизмат қилиши мумкин бўлган маблағларни тақдим этмоқда», — таъкидлади Ҳоманаий.
Оятуллоҳ АҚШ ва Саудия Арабистони ўртасида яқинда тузилган қурол-яроғ харид қилиш бўйича 110 миллиард долларга тенг келишувни назарда тутди.
Хоманаийга кўра, Саудия Арабистони томонидан «Яманда ва Баҳрайнда ўтказилаётган сиёсат ислом динига зид ҳисобланади».
Изоҳ (0)