Абу-Дабининг шаҳар режалаштириш кенгаши пойтахтдан жануби-ғарбда жойлашган Ҳудайрият оролида қурилиш олиб бориш бўйича лойиҳанинг бошланганини маълум қилди. Бу ҳақда UAE Inside хабар берди.
Лойиҳанинг етакчи дизайнери этиб АҚШнинг CBT Architects фирмаси меъмори тайинланган. Дизайнер тахминан 3 минг гектар майдонда шаҳарача қуришни режалаштирмоқда. Шаҳарча турли қаватли уйлар, ижтимоий ва инфратузилма объектларини ўз ичига олади.
Лойиҳа муаллифлари асосий эътиборни ҳудуднинг экологик ўзига хослигига қаратмоқчи. Бу ерда сув спорти турларини ривожлантириш ва соғлом ҳаёт тарзини олиб бориш мумкин бўлади.
Асосий безак элементи сифатида лойиҳачилар қирғоқбўйида 30 километрли йўл қуришни режалаштирмоқда. Йўл қирғоқ чегарасини белгилаш билан бирга, оролнинг турли нуқталарига осон етиб олиш имконини беради. Унинг ободонлаштирилишини дизайнерлар дам олиш, сайр қилиш ва яшил ҳудуди бўлган пляж қуришдан бошлашни мақсад қилиб қўйган.
Изоҳ (0)