19 май, жума кунга ўтар кечаси Тошкент осмонида номаълум жисм кўринди. Бу ҳақда Facebook’даги «Потребитель.уз» гуруҳи аъзолари маълум қилди.
Тошкентнинг Чилонзор туманида яшовчи қиз тахминан тунги 12:30 ларда осмонда кўринган учар жисм видеосини жойлади. «Бу самолёт ва мушакбозлик эмаслиги аниқ», — деб ёзди у.
Фойдаланувчиларнинг баъзилари унинг ракета эканлигини тахмин қилди. Аммо бошқалар ракета горизонтал тарзда учмаслигини таъкидлаб, уни астероид ёки метеорит деб атади.
Баъзилар эса воқеани ҳазилга олиб, ўзга сайёраликлар ташрифи билан боғлади.
Ҳодиса юзасидан расмий маълумотлар берилганича йўқ.
Изоҳ (0)